Microsoft Dynamics 365 Business Central
Eiginleikar
Eiginleikar Business Central
Microsoft Dynamics 365 Business Central er alhliða viðskiptakerfi í skýinu. Áður hét það Dynamics NAV, en með því að færa sig í skýið og sameina kerfið við Dynamics 365 var nafni kerfisins breytt og heitir það nú Business Central.
Business Central kemur í tvennskonar útgáfum: Essential og Premium.
Velja þarf annað hvort Essential eða Premium notendaleyfi, en hægt er að bæta við Team Member notendaleyfi við hvoru tveggja.
Essential notandaleyfi
Business Central Essential útgáfan inniheldur fjármálastjórnun, birgðastjórnun, tengslastjórnun, verkefnastjórnun og mannauðsstjórnun.
Fjármálastjórnun
Í fjárhagnum getur þú sett upp eins mörg fyrirtæki og þú vilt, ásamt bókhaldslyklum, bókar fjárhagsfærslur og færslubækur, bókar virðisaukaskatt og margt fleira.
Kerfið notar víddir til þess að stýra hvert kostnaður og tekjur bókast.
Rekjanleiki er sjálfkrafa til staðar ásamt bókunarlýsingum fyrir allar færslur. Hægt er að stofna ástæðukóta til rekja þína slóð.
Hægt er að vinna með marga gjaldmiðla í kerfinu, t.d. fyrir útgreiðslur og inngreiðslur, fjárhagsskýrslur, birgðir og bankareikninga. Hægt að gera upp í erlendri mynt.
Kerfið getur hjálpað þér að búa til fjárhagsáætlanir með rauntölum úr fjárhagnum.
Þú getur skilgreint sniðmát fyrir framvirka samninga á tekjum og útgjöldum fyrir ákveðinn tíma.
Þú getur búið til eignir og haldið utan um færslur eins og kostnað, yfirtökur, afskriftir og niðurfærslur.
Hægt að setja upp óteljandi bankareikninga með mismunandi gjaldmiðlum og býður kerfið upp á sjálfvirka afstemmingu á bankafærslum.
Kerfið styður mörg tungumál og hver notandi getur skipt á milli tungumála í rauntíma.
Birgðastjórnun
Hægt er að vinna með margar birgðageymslur eins og verksmiðju, dreifingarstöð, vöruhús, sýningarrými, verslun eða þjónustustöð.
Haltu utan um staðsetningu birgða. Skráðu flutninga á milli staðsetninga og haltu utan um verðmæti birgða í flutningum.
Hægt er að stjórna vörum með hólfum. Hægt er að sækja og setja vörur í hólf, færa vörur á milli hólfa og hagræða bæði plássi og tínsluferli.
Hægt er að búa til og bóka sölupantanir, sölureikninga, standandi sölupantanir, stjórna ferlum fyrir sölur og viðskiptamenn.
Hægt að nota færslubók til að bóka sölufærslur og útistandandi kröfur.
Hægt er að búa til og bóka innkaupapantanir, innkaupareikninga, standandi innkaupapantanir, stjórna ferlum fyrir innkaup og lánardrottna.
Tengslastjórnun (CRM)
Kerfið heldur utan um viðskiptavini þína og lánardrottna og gerir þér kleift að stjórna upplýsingum um tengiliði og viðskiptasambönd.
Þú getur skipt tengiliðum niður í viðtakendahópa og skipulagt herferðir.
Hægt er að búa til sölutækifæri og halda utan um fasa hvers sölutækifæris.
Hægt er að samstilla tengiliði þína og verkefnalista við fundi, verkefni og tengiliði í Outlook.
Business Central er hluti af Dynamics 365 og er kerfið því samþætt við CRM lausnina í Dynamics 365 Sales ásamt Dynamics 365 Sales Professional og Dynamics 365 Customer Service Professional.
Verkefnastjórnun
Stjórnaðu aðföngum fyrir viðskiptavini þína með forðum, ásamt forðahópum og fylgstu með stöðu hvers forða fyrir sig.
Fylgstu með nýtingu forða, fáðu yfirsýn yfir framleiðslugetu, ásamt afhendingartíma og áætluðum kostnaði.
Búðu til og stjórnaðu verkefnum og fylgstu með nýtingu forða fyrir hvert verkefni og upplýsingum sem eiga að fara á sölurreikninga. Þú getur stjórnað bæði verkefnum á föstu verði ásamt verkefnum með útseldum tímum á starsfólki eða tækjum.
Leyfðu starfsfólki að skrá tímana sína í einfalda og sveigjanlega tímatöflu þar sem samþykktaferli stjórnenda er innifalið.
Mannauðsstjórnun
Fylgstu með upplýsingum um starfsmenn, og haltu utan um reynslu, kunnáttu, menntun, þjálfun og stéttarfélög.
Hægt er að bóka útgjöld starfólks svo að hægt sé að endurgreiða þeim.
Premium notandaleyfi
Í Business Central Premium bætist við þjónustustjórnun og framleiðsla til viðbótar við Business Central Essentials leyfið.
Þjónustustjórnun
Í þjónustustjórn er hægt að stjórna þeim málum sem koma upp eftir sölu. Til dæmis fyrirspurnum um þjónustu, þjónustupantanir og viðgerðir.
Haltu utan um þjónustuvörur eins og innihald samninga, innihaldslýsingar, framleiðsluuppskriftir og ábyrgðir.
Haltu utan um verð fyrir þá þjónustu sem þú býður upp á.
Haltu utan um öll smáatriði varðandi þjónustustig, svartíma og afslætti. Skráðu sögu samninga, ásamt nýttum forða og vinnutíma.
Úthlutaðu verkum til starfsfólks ásamt því að halda utan um stöðu á hverju verki fyrir sig.
Úthlutaðu starfsfólki og sendu tæknifólk á staði, skoðaðu hvaða forðar eru lausir og hvaða kunnáttu þau búa yfir.
Framleiðsla
Búðu til framleiðslupantanir og bókaðu notkun á forða og aukningu á lager.
Búðu til útgáfur fyrir uppskriftir og dreifileiðir.
Reiknaðu út nauðsynlegt magn hráefna til að uppfylla eftirspurn.. Lausnin styður framleiðsluáætlanir og hjálpar þér að skipuleggja forða- og hráefnisþörf þína
Búðu til framleiðslu- og innkaupapantanir sem taka mið af eftirspurnarspá sem tekur líka tillit til núverandi birgða og gögnum úr hráefnisáætlunum.
Hægt er að auka nákvæmni í framleiðsluferlinu. Settu upp ferla fyrir framleiðslupantanir og skipulegðu nauðsynlegt magn efnis til framleiðslu.
Þú getur stjórnað afköstum í smáatriðum fyrir framleiðslustöðvar og samþætt fyrir vinnumiðstöðvar.
Reiknaðu út hámarks framleiðslugetu til þess að ganga úr skugga um að verkefni sé ekki úthlutað á framleiðslustöð sem færi fram úr framleiðslugetu sinni fyrir gefið tímabil.
Team Member notandaleyfi
Team Member notandi, eða lesnotandi, veitir lesréttindi í Business Central ásamt öðrum takmörkuðum réttindum. Til þess að kaupa Team Member notanda verður ávallt að vera til a.m.k. einn Essential eða Premium notandi. Team Member notandaleyfi veitir aðgang í m.a.:
Réttindi til að lesa öll gögn í Dynamics 365 Business Central.
Leyfi til að uppfæra gögn og færslur sem eru nú þegar til, t.d. gögn um viðskiptamenn, lánardrottna, vörur o.þ.h.
Hægt að samþykkja eða hafna verkum í verkflæði.
Búa til, breyta og eyða tilboðum.
Búa til, breyta og eyða persónuupplýsingum.
Búa til vinnuskýrslur fyrir verk.
