Nova byrjar að nota rafræna reikninga

 Í Fréttir

Eftir að Rue de Net setti rafræna reikninga upp fyrir Microsoft Dynamics NAV kerfi Nova hefur það nú bæst í hóp fyrirtækja sem nýta sér nýjustu aðferðir í reikningamiðlun. Nú sendir Nova reikninga rafrænt í gegnum skeytamiðlun og eftir nokkrar mínútur getur viðskiptavinur þeirra, sem einnig hefur aðgang að skeytamiðlun lesið reikninginn beint inn í viðskiptakerfi sitt. Útprentun, pappír, umslög og frímerki heyra sögunni til. Einfaldara og umhverfisvænna gerist það ekki.

Rafrænir viðskiptahættir munu veita Nova mikinn ávinning þar sem þetta mun lækka kostnað við sendingu og móttöku reikninga auk þess sem Nova mun ná betri tökum á ferlinu frá útgáfu reiknings til greiðslu.

Nova er annað stærsta fjarskiptafyrirtæki landsins með yfir 100.000 viðskiptavini. Nova býður hefðbundna farsímaþjónustu bæði fyrir einstaklinga og fyrirtæki með áherslu á netið í símann.

Við hjá Rue de Net óskum Nova til hamingju með þessa nýju viðbót.

Nýlegar fréttir